თორნიკე ოქრიაშვილი - "უფრო ძლიერი დავბრუნდები"

  • საერთაშორისო
  • 13 თებერვალი 17:12

საქართველოს ნაკრების წევრის ინტერვიუს "კრასნოდარი"-ს ოფიციალური ვებ გვერდი აქვეყნებს

საქართველოს ფეხბურთელთა ეროვნული ნაკრებისა და "კრასნოდარის“ შემტევი ნახევარმცველი თორნიკე ოქრიაშვილის თამაშის განახლებას თვენახევრის მერე გეგმავს

"როცა ტრავმის შემდეგ, 6-თვიანი პაუზის დასრულების შემდეგ დავბრუნდი, ბავშვივით მიხაროდა, რადგან დიდი ხანი არ მითამაშია ფეხბურთი და გოლი არ გამიტანია. ჩემთვის ეს ძალიან მნიშვნელოვანი იყო. არ შემიძლია გადმოვცე, რას ვგრძნობდი. თავს ძალიან კარგად ვგრძნობდი.


როცა "ლოკომოტივთან" მატჩში ტრავმა მივიღე, დარწმუნებული ვიყავი, რომ მყესები არ მქონდა გაწყვეტილი და როცა "არსენალთან" მატჩში მივიღე ტრავმა, მივხვდი, რომ სერიოზული ტრავმა მქონდა.

გახდე გულშემატკივარი და ფეხბურთს ტრიბუნიდან უყურო, რთულია. ძალიან მინდა თამაში და გუნდის დახმარება. ამ დროისთვის თავს კარგად ვგრძნობ. ვფიქრობ, ერთ თვეში საერთო ჯგუფს დავუბრუნდები.

გვაქვს ტრადიცია, როცა ვინმე სერიოზული ტრავმის შემდეგ ბრუნდება, თეთრ შორტებს ატარებს. პირველი პერიოდი თეთრ შორტებში ვივარჯიშებ. თვე-ნახევარში ალბათ უკვე ვითამაშებ.

ჩემი თავის რწმენა არ დამიკარგავს. ბურთთან მოპყრობა არ დამვიწყებია. რა თქმა უნდა, რთული იქნება, მაგრამ თუ ძალიან გინდა და გიყვარს ფეხბურთი, უფრო ძლიერად დაბრუნება ადვილი იქნება.

საქართველოში არ დამივიწყეს, ხშირად მწერენ და ასევე ჩემზე წერენ, რა მდგომარეობა მაქვს, როდის დავბრუნდები და ა.შ. მაგრამ კავშირზე არ გამოვდივარ, ინტერვიუებს არ ვიძლევი.

ერთა ლიგა შანსია ისეთი გუნდებისთვის, როგორც საქართველოა. ჩვენთვის ეს კარგია, რადგან ყოველთვის ძლიერი მეტოქეები გვხვდებოდნენ ჯგუფში, ახლა კი ყაზახეთი, ანდორა და ლატვია გყავს. ამიტომ მათთან უფრო მეტი შანსი გვაქვს, ჯგუფიდან გავიდეთ, ვიდრე საფრანგეთთან ან ესპანეთთან", - ისაუბრა  ოქრიაშვილმა.


მიმდინარე სეზონში ოქრიაშვილმა "კრასნოდარში“ ყველა ტურნირზე 4 მატჩი ჩაატარა, 2 გოლი გაიტანა

ახალი დამატებული